A xefa provincial de Tráfico, María Isabel Alonso Linaje, fixo unha visita oficial ao Concello de Barro na que mantuvo unha entrevista co alcalde e o tenente de alcalde para falar da posible colaboración entre os dous organismos.
Dende o goberno local aproveitouse a visita para falar dos problemas de seguridade vial que representan a PO-531 e a N-550 o seu paso polo núcleo de San Antoniño.
Ainda sabendo que a resolución a eses problemas de seguridade non é competencia da Xefatura de Tráfico si se lle pediu a súa intervención informando á Demarcación de Estradas do Estado e á Consellería de Infraestruturas sobres os puntos máis conflictivos nesas dúas estradas.
No núcleo do San Antoniño existen dous cruces especialmente perigosos: un coa rúa Areal, que está pendente dos informes da Demarcación de Estradas sobre a posibilidade de construcción dunha rotonda e o outro no cruce coa estrada provincial que vai en dirección á Portela, na que se produciu estes días outro accidente.
Outro dos puntos tratados foi a disposición da Xefatura Provincial de Tráfico a colaborar co Concello na concienciación en canto a seguridade vial, xa sexa con charlas nos centros educativos ou outro tipo de iniciativas.