Setga será a encargada de renovar a LED toda a iluminación pública en Marcón e Mourente, as dúas próximas parroquias nas que se abordará esta actuación de eficiencia enerxética.
A compañía pontevedresa foi a adxudicataria deste contrato licitado polo Concello, polo que recibirá case 1,4 millóns de euros.
O prazo de execución destes traballos está fixado en catro anos e medio.
En total, substituiranse 2.088 luminarias e 41 cadros de mandos.
Ademais da redución na contaminación lumínica, este investimento permitirá reducir o consumo enerxético desta iluminación. Estímase un aforro do 70%.
Marcón e Mourente sumaranse así ás parroquias que xa substituíron a súa iluminación, que son Bora, A Canicouva, Ponte Sampaio e Lourizán.
PRÓRROGA DO GUINDASTRE E DO LOCAL DE ENSAIO
Ademais deste contrato, o Concello decidiu prorrogar un ano máis o contrato do servizo do guindastre municipal, en mans da compañía Setex Aparki, que continuará ata o 31 de decembro de 2022. Cobrarán un máximo de 607.000 euros.
Tamén se estenderá o contrato de xestión do Local de Música, neste caso ata o 25 de xaneiro de 2023. A adxudicataria, a empresa Xeneme, recibirá uns 90.000 euros.