Convertida nunha das citas benéficas máis tradicionais do calendario pontevedrés, a Cea Baile Tómbola organizada pola Asociación Española Contra o Cancro alcanza este ano o súa 29ª edición.
Celebrarase o próximo 17 de xullo a partir das 21.00 horas no Parque do Liceo Casino, na Caeira.
A velada reúne cada ano por centos de persoas dispostas a gozar dunha noite de convivencia mentres colaboran cunha causa solidaria.
Os fondos recadados destínanse a financiar os servizos gratuítos que a Asociación presta a pacientes oncolóxicos e as súas familias, así como a impulsar proxectos de investigación contra o cancro.
A proposta combinará cea, música e baile, mantendo o espírito festivo que caracterizou esta iniciativa durante case tres décadas.
Un dos momentos máis esperados volverá ser a tradicional tómbola solidaria, que contará con numerosos agasallos achegados por comercios e establecementos de Pontevedra e a súa comarca.
Detrás desta iniciativa atópase tamén o traballo imprescindible do voluntariado da Asociación, encargado de percorrer cada ano os negocios locais para informar sobre o evento e solicitar a súa colaboración. A súa implicación resulta fundamental para que a tómbola siga sendo un dos principais atractivos da noite.
As entradas teñen un prezo de 45 euros por persoa e poden adquirirse na sede da Asociación Española Contra o Cancro en Pontevedra, situada na rúa Eduardo Pondal.
Para obter máis información ou realizar reservas, as persoas interesadas poden contactar co teléfono gratuíto 900 100 036, dispoñible as 24 horas do día.
Ademais, quen non poidan asistir teñen a posibilidade de colaborar mediante a denominada "Fila 0", realizando unha achega económica a través da conta habilitada para este fin.
Desde a organización animan a toda a cidadanía a sumarse a esta iniciativa solidaria que, ano tras ano, pon de manifesto o compromiso de Pontevedra coas persoas que afrontan a enfermidade e coas súas familias.