Poio ten, desde este sábado, unha nova centenaria entre as súas veciñas.
Trátase de María Teresa Arís, coñecida por todos como 'Laura'.
Con motivo do seu 100 aniversario, o alcalde de Poio, Ángel Moldes, visitou a esta veciña do Casal para trasladarlle os parabéns de toda a corporación municipal.
Moldes entregoulle un ramo de flores e transmitiulle os mellores desexos en nome de todos os veciños de Poio.
O rexedor aproveitou para conversar coa homenaxeada sobre as súas vivencias, que son “historia viva de Poio” e compartir con familiares e amigos unha xornada moi especial.