Un ano máis, o sindicato CGT mobilizouse polas rúas da cidade con motivo do 1 de maio, o Día Internacional dos Traballadores.
Fíxoo para reclamar "máis dereitos e menos privilexios" e para reivindicar a necesidade de que conclúan as "guerras coloniais" que provocan o "empobrecemento" da clase traballadora.
A marcha organizada por este sindicato tivo que modificar o seu percorrido pola rotura dunta tubaxe de auga en Benito Corbal.
Os participantes remataron concentrándose diante da Subdelegación do Goberno, ao pé da oliveira plantada nos xardín da Praza de España en homenaxe á resistencia do pobo palestino.
Desde a CGT quixeron denunciar este 1 de maio as guerras impulsadas por Estados Unidos e Israel, co respaldo da Unión Europea e a OTAN.
A esta última, o sindicato considéraa unha "organización criminal".
Sinalan que estes conflitos provocan miles de mortes e desprazamentos forzosos en distintas rexións do mundo.
Neste contexto, a CGT sostén que estas guerras, xunto coa disputa polo control de recursos estratéxicos como o petróleo, acaban provocando recortes nos dereitos dos traballadores.