A programación festiva das Festas da Peregrina aterrou este luns na Praza da Curtidoira cun espectáculo a cargo do Gothic Circus, que abriu un ciclo de artes escénicas pensado para os máis pequenos.
A partir das 19.30 horas, 'Gothic Circus: O Gran Salto' encheu esta praza do barrio do Gorgullón dunha demostración de danzas aéreas, artes circenses e disciplinas acrobáticas.
As actividades para os máis pequenos da casa repetiranse na Praza da Curtidoira durante o resto da semana ás 19:30 horas.
Actuarán: Teatro Ghazafelhos (martes 15), María Carrera (mércores 16), Sons da Batea (xoves 17), a compañía Paporrubio (sábado 19) e Expresión Contacontos (domingo 20).