O Concello de Ribadumia estableceu unha colaboración con BATA Servicios Integrales a la Comunidad C.E.E. para garantir o coidado dos espazos verdes do municipio.
Esta iniciativa permite manter en bo estado as zonas públicas ao tempo que favorece a integración laboral de persoas con TEA e discapacidade intelectual.
O equipo de traballo, formado por tres ou catro operarios, segundo a xornada, baixo a supervisión dun responsable, desenvolve múltiples tarefas de mantemento.
Entre as súas funcións destacan a limpeza de matogueiras mediante roza manual e mecánica, o corte de céspede, o perfilado de perímetros, o recorte de sebes e a poda de árbores.
Todos os restos orgánicos reciben un tratamento sostible que respecta o medio ambiente, segundo o Concello.
As actuacións centránse en oito rotondas estratéxicas do concello: Castaños, cemiterio de Sisán, Santa Marta, Polígono, piscina municipal, Leiro, Lois e Lomba.
Durante os meses de verán, cando a vexetación experimenta maior crecemento, os traballos realízanse practicamente cada semana. O resto do ano, as intervencións adaptan a súa periodicidade ás necesidades específicas de cada zona.