O centro multiúsos de Carballedo xa está preparado para acoller o novo centro médico de Cotobade, segundo confirmou o alcalde Jorge Cubela.
Os traballos de reforma do inmoble concluíron, polo que Cubela espera que o traslado se produza o antes posible e os pacientes poidan usar as novas instalacións "este mesmo inverno".
Unha vez habilitados os máis de 200 metros cadrados do multiusos, o Concello procederá agora a mellorar as inmediacións cun proxecto de urbanización da rúa lindante, ademais de limpar e pintar a fachada.
Desta forma adaptaranse as beirarrúas para facilitar o acceso de persoas con mobilidade reducida e construirase un aparcadoiro en batería con capacidade para 60 vehículos.
O centro de saúde da Chan, en Carballedo, contará con cinco salas nas que se prestará o servizo de Atención Primaria.