O despacho de avogados que representa os os intereses da Comunidade de montes de Salcedo acollerá este martes 10 de setembro unha reunión cos representantes do Ministerio de Defensa para negociar o futuro dos terreos que ocupa a base da Brilat.
Segundo informaron os comuneiros na cita deberíase avanzar sobre as posibilidades formuladas o pasado mes de xullo. Así esperan que Defensa se decida entre a expropiación ou o pagamento dun canon anual pola cesión dos terreos.
Estas mesmas fontes agardan que se concrete a superficie de terreo que demanda a Brilat, que podería recortar as necesidades actuais.