As análises da auga na praia da Carabuxeira, realizados pola Consellería de Sanidade nos últimos días, conclúen que o baño non é recomendable.
Así o comunicou o Concello de Sanxenxo ao comprobar que os resultados destas probas demostran que hai "parámetros alterados" nas analíticas.
Os técnicos de Espiña e Delfín, concesionaria do servizo de saneamento en Sanxenxo, están a traballar na procura da orixe do problema para solucionalo canto antes.
A praia da Carabuxeira incluíuse este ano no control de calidade de auga que, de maneira periódica realizan as autoridades sanitarias, para que puidese optar á bandeira azul.