A Policía Local de Pontevedra detivo un home que, segundo denunciou a súa parella, ameazou con prenderlle lume á súa casa con ela dentro.
O suceso produciuse ás dúas da madrugada do pasado 19 de febreiro, segundo informou a propia Policía Local.
Os axentes acudiron ao aviso da muller, que estaba na vía pública solicitando auxilio.
Ao chegar, esta relatoulle aos policías as ameazas da súa parella.
Nun evidente estado de nerviosismo, explicoulles que a súa parella se mostrara agresivo, causando desfeitas na vivenda e rompendo o teléfono móbil da muller.
Ademais, sinalou que desde había un tempo o home empezara a limitar a súa vida social e non lle permitía falar con ninguén.
Os axentes entrevistáronse coa súa parella no exterior da vivenda e observaron como o hall atopábase totalmente revolto, presentando mobles rotos e obxectos no chan.
Aínda que el negou os feitos, ante a gravidade do relatado e os indicios observados, os axentes procederon á súa detención por un delito de violencia de xénero.
A vítima manifestou a súa intención de interpor denuncia polo sucedido.