O goberno local porá en marcha oito actuacións no rural pontevedrés cun investimento de dous millóns de euros para mellorar a accesibilidade de determinados espazos das parroquias do municipio.
As obras que se executarán serán en:
. Ponte Sampaio: calmado de tráfico entre a ponte e o centro escolar
. Lérez: Acceso a Casaldorado dende a estrada de Santiago
. Campañó: Conexión entre Sabarís e O Cabaleiro
. Santo André de Xeve: Camiño dá Panadaría
. Lourizán: Acceso ao colexio da Carballeira
. Tomeza: Acceso á parroquia dende Ponte da Condesa
. Bora: Mellora da accesibilidade no Couto
. Salcedo: Conexión dende Carramal ao Cruceiro
Estes traballos centraranse en pavimentar, mellorar a seguridade viaria, crear unha rede de recollida de pluviais e a instalación e mantemento das sinalizacións.
O financiamento, segundo apuntou o concelleiro de Economía,Raimundo González, será a través dunha modificación de crédito que se levará a pleno neste mes de xullo. Os fondos proceden do remanente líquido de tesouraría do Concello que, segundo expuxo o concelleiro, superou en 2014 a cantidade de 4 millóns de euros. González engadiu que o mantemento nas vías públicas teñen un elevado custo a partir dos 20 anos de antigüidade, superando os 10.600 euros por quilómetro e ano.