Dúas persoas resultaron feridas esta mañá tras declararse un incendio nun deshumidificador nunha vivenda situada no lugar do Casal, na parroquia de Noalla, no municipio de Sanxenxo.
O 112 Galicia tivo constancia do suceso minutos antes das 10:00 horas, mediante o aviso dos membros do GES de Sanxenxo.
Segundo informaron desde Emerxencias Sanxenxo, o aparello xa estaba apagado e o lume extinguido.
Aínda así, desde o 112 Galicia informouse aos Bombeiros de Ribadumia e á Garda Civil.
Pola súa banda, o persoal do Servizo de Urxencias Sanitarias de Galicia-061 encargouse do traslado dos dous afectados por inhalación de fume ao centro hospitalario de referencia, onde recibiron atención médica.