Ence Pontevedra celebrou este luns o acto de entrega das axudas veciñais que resultaron seleccionados na convocatoria de Plan Social da compañía en Pontevedra.
Representantes dos 17 proxectos adxudicatarios acudiron á fábrica de Lourizán, onde tivo lugar o acto de firma do convenio para a adxudicación das axudas, que permitirá a inmediata posta en marcha das distintas iniciativas.
Os proxectos presentados a esta área de actuación desenvolverán as súas actividades no ámbito territorial, centrándose en actividades de dixitalización; mellora e mantemento das instalacións das asociacións; e achegas destinadas á celebración das festas patronais, contribuíndo así á permanencia das tradicións e valores culturais.
Algunhas das asociacións cuxos proxectos resultaron beneficiarios nesta edición do Plan Social son a Asociación Rural Mulleres Estribela de Lourizán, o Colexio Plurilingüe de San Narciso, a Asociación de Veciños Alborada, a Asociación Cultural Santa Rita de Salcedo, a Asociación Landra Verde, a Asociación de Veciños San Roque, e a Asociación de veciños San Cristóbal de Poio.
A Dirección da empresa sinalou a "máxima ilusión" que ten neste Plan Social. Os 306 proxectos beneficiarios do Plan Social desenvolveranse ao longo dos próximos meses, "favorecendo o desenvolvemento de iniciativas cidadás de loita contra a exclusión social; educación e cultura; deporte; recuperación e coidado da contorna; emprendemento e economía; emprego especializado e axudas veciñais".