Este luns espérase que os traballadores da planta da empresa Ence en Huelva ratifiquen en asemblea o acordo do Expediente de Regulación de Emprego alcanzado pola dirección da compañía e o comité de empresa para o peche da planta de celulosa onubense tras 50 anos de actividade.
Segundo informaron dende Comisións Obreiras, ambas as dúas partes acordaron recolocacións en Pontevedra e Asturias a aqueles traballadores que non sexa posible situar en Huelva.
Pola súa banda, Ence sinalou nun comunicado que o preacordo contempla a redución do número de afectados en Huelva e incrementa as recolocacións internas inicialmente ofertadas. Deste modo non se formularía ningún despedimento.
A pasada semana os traballadores da fábrica de Ence en Pontevedra secundaron catro días de folga en solidariedade cos 300 compañeiros afectados polo peche de Huelva.