O Entroido de Cobres, un éxito contra vento e marea

Un ano máis, o Entroido de Cobres consolidouse como un dos eventos culturais con maior repercusión nas redes sociais de toda Galicia.

O espírito, a elegancia e a forza das madamas e galáns volveron a protagonizar unha festa que, segundo os organizadores, quedará gravada na memoria colectiva como unha das máis "emocionantes, épicas e valentes" da súa historia.

A choiva, presente de maneira case ininterrompida, non conseguiu apagar o espírito dunha comunidade que se negou a renunciar á súa festa máis querida.

Así, a Asociación Cultural Cobres traballou sen descanso para improvisar solucións, adaptar espazos e garantir que cada acto do programa se celebrara con dignidade, seguridade e, sobre todo, coa emoción que define este entroido único.

A resposta foi extraordinaria e, só na xornada do martes 17, la carpa de Cobres reuniu a preto de 3.000 persoas, converténdose nun refuxio de música, baile e tradición.

O desfile contou con 90 madamas e galáns, auténticos emblemas da identidade local, acompañados por 27 músicos que puxeron banda sonora a catro días de celebración.

Entre bailes, visitas a fogares e percorridos polas parroquias, acumuláronse 40 horas de actividade e máis de 60 quilómetros percorridos, unha mostra de resistencia, ilusión e compromiso coa tradición.

Ademais, o Entroido de Cobres bateu marcas en repercusión nas redes sociais e as canles oficiais do evento alcanzaron xuntas máis de 1,2 millóns de visualizaciones, cun crecemento de seguidores que superou o 65% en Facebook e o 18% en Instagram.

O vídeo máis viroso, publicado durante a xornada do martes de Entroido foi o de Desirée como gañadora do Galo no Río, que superou as 256.000 reproducións.

A páxina web oficial rexistrou ademais máis de 11.000 visitas únicas, con tráfico procedente de toda España e países como Portugal, Estados Unidos, Irlanda ou Alemaña, reflexo da crecente proxección internacional desta festa de gran valor patrimonial e etnográfico.