Os centros de vacinación masiva contra a Covid-19 situados no Recinto Feiral de Pontevedra e en Fexdega, en Vilagarcía, pecharon este xoves os ocos para a autocita.
A partir do venres, 1 de outubro, os puntos de vacinación serán os hospitais de referencia, é dicir, o Hospital Montecelo e o comarcal do Salnés, tal e como lembra o director de Enfermería da área sanitaria, Juan Vázquez Vilar.
O Recinto Feiral e Fexdega seguirá aberto os días 1 e 2 de outubro para segundas doses. Concretamente no Recinto Feiral de Pontevedra está previsto inocular 1.450 segundas doses durante a mañá a un grupo de poboación de idades diversas. E en Vilagarcía serán outras 400 segundas doses.
O domingo xa non estarán abertos estes "vacunódromos".
Actualmente, a campaña de vacinación está centrada na administración da terceira picada a aqueles grupos que necesitan complementar a pauta de inmunidade con este reforzo extra, como é o caso de persoas anciás e a poboación vulnerable.