Estudantes de 3ª da ESO do CPI Toural estiveron en Alemaña, na cidade de Braunschweing, entre o 2 e o 10 de abril de intercambio co instituto Gymnasium Raabeschule.
Trátase dunha actividade que forma parte do programa da Xunta de Galicia EduExchange que ten como obxectivo fomentar e contribuír á mellora das habilidades comunicativas nunha lingua estranxeira do alumnado.
Estes estudantes asistían ás clases no centro e realizaron visitas á vila medieval de Goslar, con visitas tamén a Autostadt e tamén a Volkswagen, en Wolfsvurg.
A cidade ten máis de 250.000 habitantes e comprobaron a evolución dos "camiños escolares" que permiten a autonomía escolar á hora de asistir a clases.
Nesta experiencia comprobaron como os mozos do instituto teñen "liberdade" á hora de acudir ao centro, realizando traxectos de ao redor de quince minutos en bicicleta e utilizando tranvías desde idades temperás.
Durante a viaxe comprobaron tamén que o español está a ser unha das linguas estranxeiras máis seleccionadas polo alumnado do Instituto, superando ao francés.