Carril viviu gozou este domingo coa celebración da XXX edición da Festa da Ameixa, un evento declarado Festa de Interese Turístico Galego desde 2014 e que este ano cumpre unha efeméride histórica.
A lectura do pregón celebrouse ás 12:00 a cargo do actor e humorista Carlos Blanco.
No acto inaugural tamén participou a conselleira do Mar, Marta Villaverde, que destacou que a cita "contribúe a resaltar a importancia da implicación das comunidades pesqueiras na promoción e posta en valor dos produtos".
Villaverde subliñou que o éxito da ameixa de Carril é froito do traballo e esforzo de máis de 650 familias arousás, que exercen o seu labor de forma artesanal, coidando da ría e extraendo todo o seu potencial.
A celebración, que rende homenaxe a un dos moluscos máis apreciados de Galicia, consolidouse como unha das citas culinarias máis importantes do calendario gastronómico galego.
Este ano, con motivo do seu trixésimo aniversario, a festa realizouse durante dous días.