Desde o venres 24, a parroquia de Figueirido ofrece unha humilde réplica á iluminación do Nadal de Vigo, que tamén era estreada nesa data.
O parque central ofrece luces, grilandas, zorras cos seus renos e un gran castelo iluminado.
Tampouco falta neste escenario o Portal de Belén. Os máis pequenos tamén teñen a oportunidade de trasladar as súas peticións de agasallos a Papá Noel.
Figueirido é un dos puntos da contorna que conta con máis tradición de adornos de Nadal, fomentado pola asociación veciñal e pola comunidade de montes, que en anos anteriores convocaban concursos con premios ás vivendas mellor decorados.
O Concello apoia esta iniciativa coa idea de que se contaxie o ambiente destas festas a todas as parroquias de Vilaboa.