O presidente da Cámara de Comercio de Vigo e presidente do Consello Galego de Cámaras, José García Costas, asegurou este martes que, na provincia de Pontevedra, "no hay capacidad económica para cuatro Cámaras de Comercio" como existen actualmente. Isto é Vilagarcía, Vigo, Tui e Pontevedra.
Para disipar calquera xénero de dúbidas García Costas precisou que a cámara de Vigo "tiene vocación de permanencia". Proba diso é que a Cámara de Vigo logrou manter o seu equilibrio económico e mesmo ter superávit durante os últimos anos, pero respecto ás outras tres cámaras, augura García Costas que "habrá reajustes motivados por las necesidades económicas".
O presidente da entidade cameral viguesa afirmou que "lo que la lógica impone" é que "si una cámara no tiene capacidad de subsistir debe integrarse en otra", aínda que entende que cada unha destas entidades ten a responsabilidade de decidir como xestiona o seu funcionamento e o seu futuro.
García Costas realizou estas manifestacións nun acto no que presentou a campaña posta en marcha pola Cámara de Comercio de Vigo para lograr achegas económicas de carácter voluntario entre as 43.700 empresas adscritas a este organismo.