Seis persoas foron desaloxadas en Sanxenxo tras o incendio que se rexistrou este mércores nunha xeadaría do municipio.
O suceso rexistrouse sobre as seis e media da tarde no paseo de Silgar.
A orixe do lume, segundo confirmou o servizo municipal de emerxencias, estivo no cadro eléctrico exterior do establecemento.
As seis persoas afectadas, que estaban na primeira planta do edificio, foron desaloxadas por seguridade e non sufriron feridas.
O incendio, que foi controlado polo operativo despregado, só provocou danos materiais na fachada do inmoble.
Os efectivos de emerxencias e da Policía Local lograron que as chamas foran sufocadas de inmediato e non se propagase aos edificios lindeiros.
Ademais, o incidente afectou á subministración eléctrica do paseo de Silgar, pero os operarios municipais xa están a reparar a avaría.