Na mañá deste mércores, arredor das 07:20 horas, produciuse un accidente de tráfico na estrada de Circunvalación de Sanxenxo, preto da rotonda de Baltar, segundo a información facilitada polo Concello de Sanxenxo.
Segundo as primeiras investigacións, un dos vehículos implicados incorporouse á vía desde a rotonda de Baltar, perdendo o control e invadindo o carril contrario, onde colidiu frontolateralmente cun turismo que circulaba en sentido oposto.
A Policía Local de Sanxenxo acudiu ao lugar do suceso e iniciou as dilixencias oportunas.
As investigacións revelaron que o condutor do vehículo causante do accidente presentaba unha taxa de alcoholemia superior a 0,60 mg/l en aire expirado.
Os axentes tramitaron as dilixencias penais por conducir baixo os efectos do alcohol, superando a taxa de 0,4 permitida.
O Servizo de Emerxencias de Sanxenxo tamén interveu no lugar para realizar labores de limpeza da calzada e garantir a seguridade viaria.
Non se rexistraron feridos graves no suceso e só unha persoa sufría feridas leves.
