Comezaron as festas do Divino Salvador de Poio co pregón a cargo de Javier López Viñas, fundador dos Xogos de Verán de Lourido e do Clube Atletismo Poio.
Na súa intervención, lembrou as vivencas persoais na parroquia e a súa traxectoria como promotor de cultura deportiva no municipio.
A xornada continuou cun aperitivo acompañado pola música da Banda de Gaitas Vides Novas. Finalmente celebrouse a verbena do Grupo Puzzle.
Durante este domingo, ás 12.30 horas, está prevista a tradicional misa solemne e a procesión en honra de San Salvador. Durante a noite chegará a verbena a cargo das orquestras Magos e Alianza.
Xa o luns, ademais da misa dedicada á Virxe do Carme ás 12.30 horas, as persoas que asistan poderán gozar da Gran Verbena a partir das 21.00 horas coa Orquestra Marbella e o Grupo Azabache.
Durante o martes 8 chegará o protagonismo dos escolares cunha festa infantil e actuacións con pallasos.