PontevedraViva Radio vai estar presente nas festas de Campolongo con motivo da gravación en directo do programa "La transición" que conduce e presenta o guionista pontevedrés Óscar Cruz.
A organización ha incluído no seu programa festivo a presenza deste programa millennial, así que a partir das 16.30 horas quen acuda á carpa instalada na praza da Constitución poderán ver en directo aos protagonistas de "La transición" e aos invitados cos que se conta para a ocasión.
Acompañando a Óscar Cruz estarán os seus colaboradores habituais de Porco Bravú, Javi Lopa e Jorge Boquete. Ademais tampouco se perderá a ocasión de volver a Pontevedra Pedro Brandaríz, protagonista da web serie "Peter Brandon", recente gañadora dun premio Mestre Mateo.
Na parte musical, Óscar Cruz convida para esta ocasión especial a Cora Sayers e Brotasol, que tamén actuarán en directo. Así que, millennials, xennials, e toda aquela persoa que queira pasar un intre ameno, "La transición" desembarca en Campolongo.