Masivo San Benitiño, coa devoción moi viva polos actos relixiosos e pola festa

Miles de persoas rendéronse este venres a San Benito na tradicional romaría de San Benitiño de Lérez, celebrada entre o mosteiro da parroquia e a contorna da praia fluvial.

A romeria resultou este ano especialmente masiva, demostrando que a devoción por este santo mantense moi viva en Pontevedra, tanto por parte dos devotos aos actos relixiosos como por aqueles que son máis partidarios da romaría popular á beira do río Lérez.

Os actos relixiosos deste santo avogado dos males cutáneos desenvolvéronse durante toda a xornada, con misas desde primeira hora e unha especialmente concorrida, a celebrada ao mediodía con procesión polo atrio do mosteiro.

Durante a procesión, xeráronse longas colas para pasar as estampas de San Benito pola imaxe do Santo ou para levar o seu aceite milagroso.

Ademais, non faltaron os devotos convencidos de que este ano a asistencia é maior "por Trump", pois "con tanta guerra, hai máis unión", púidose escoitar durante os actos relixiosos.

Esta festa, declarada de Interese Turístico de Galicia, contou con música durante toda a xornada, con pasacalles pola cidade e actuacións a cargo de Os Alegres, Duos Pontes, Gaiteiros das Rías Baixas e Os de Algures durante toda a mañá.

Na praia fluvial celebrouse a tradicional romaría, na que o momento álxido foi a habitual mexilloada popular, amenizada polo grupo de pandeireteiras Pola Vila.

Até a mejillonada achegáronse veciños e veciñas de Pontevedra e tamén representantes políticos. Non faltaron a tenente de alcalde, Eva Vilaverde, ou os concelleiros María Xosé Abilleira, Alberto Oubiña, Iván Puentes ou Marcos Rei, así como a deputada Paloma Castro ou a senadora Marica Adrio

A festa adoita prolongarse até altas horas da madrugada, cunha verbena que este 2025 trae ao atrio do mosteiro de San Benito á orquestra Casabranca.