Un menor tivo que ser evacuado de urxencia ao Hospital de Montecelo despois de ser rescatado inconsciente da auga na praia fluvial de Ponte Sampaio.
Segundo informou o 112 Galicia, o aviso recibiuse pouco despois da unha da tarde.
Na chamada, un particular alertou de que unha socorrista sacara da auga ao menor en estado inconsciente e estáballe practicando manobras de reanimación cardiopulmonar.
Ante a gravidade da situación, o 112 mobilizou de inmediato aos servizos de Urxencias Sanitarias de Galicia-061, así como a efectivos da Policía Local de Pontevedra e da Policía Nacional.
Á súa chegada, o equipo médico continuou coas tarefas de reanimación até conseguir estabilizar ao menor.
O mozo foi posteriormente trasladado ao Hospital de Montecelo para recibir atención especializada.
O Concello de Pontevedra apuntou que o ano de nacemento do mozo é o 2007.