Os portavoces do tres grupos políticos con representación na corporación de Pontevedra reuníronse este mércores á primeira hora para abordar os diferentes asuntos que conformarán a orde do día do próximo pleno ordinario, que está convocado para o luns 21 de xullo ao once da mañá.
Nesta ocasión, previamente, está convocada a xunta xeral de accionistas da Sociedade de Turismo, tamén no Salón de Plenos da Casa Consistorial, para aprobar as contas deste organismo.
Dentro do orde do día que se configurou hoxe, na parte resolutiva, figura a proposta da aprobación de facturas de sen previa tramitación e que se determinarán este mércores na Comisión de Economía e Facenda Especial de Contas.
A corporación tamén aprobará neste pleno os festivos locais para 2026 despois de que se determinasen favorablemente na Comisión de Benestar Social, Cultura e Dinamización socio-cultural, o pasado 3 de xullo.
Serán, como sempre, o Mércores de Cinza e San Bieito.
En canto ás mocións, hai dúas propostas do Partido Popular para reclamar a rehabilitación e posta en valor do Muíño do Coto e outra para reordenar o tráfico na contorna do barrio de San Roque.
Pola súa banda, o grupo municipal do PSdeG-PSOE defenderá outras dúas mocións, na primeira ínstase ao Concello a que pida ao Goberno de España que as novas conexións ferroviarias da provincia con Madrid teñan parada asegurada en Pontevedra.
Na segunda proposta reclaman a protección e conservación da Xunqueira da Parda.
Engade Pontevedra Viva como fonte preferida de Google de balde
Mantente informado coas últimas noticias de actualidade.