Unha empresa especializada encárgase estes días da limpeza dos alcorques das árbores do centro urbano de Caldas de Reis.
O Concello contratou estes traballos para retirar a maleza e mellorar o aspecto e a saúde das árbores sen usar produtos nocivos nin para persoas nin para a contorna.
A execución destas tarefas estase a levar a cabo en dúas fases.
Por unha banda, os operarios xa acometeron a limpeza sostible dos alcorques na rúa José Sesto Casal, así como na Ferrería, e está previsto que, se as condicións meteorolóxicas o permiten, continúe en Dolores Mosquera
"Podería parecer un tema menor, pero para nós é fundamental garantir que as nosas rúas gocen dun bo aspecto e as nosas árboes dunha boa saúde", sinalou sobre a actuación o alcalde, Jacobo Pérez.
Os alcorques son os espazos ao redor dos cales crecen as árbores prantadas en zonas pavimentadas.
A súa conservación é importante ao ser un elemento que facilita o regado e a absorción de auga, ademais da entrada de aire de nutrentes ás raíces de cada árbore.
Tamén serve como protección contra posibles danos que poidan causar o tránsito de vehículos ou de transeúntes.