O Concello de Marín continúa coa mellorar da Finca de Briz, un dos enclaves máis valorados polas familias e visitantes.
Nas últimas semanas leváronse a cabo importantes traballos de reparación no parque infantil situado na parte alta do recinto.
En concreto, actuouse sobre o xogo de grandes dimensións, que presentaba un notable deterioro nos postes enterrados. Para garantir a súa seguridade e durabilidade, estes reforzáronse con estruturas metálicas, evitando así posibles danos futuros.
Así mesmo, realizáronse labores de mantemento nas partes de madeira dos xogos infantís, que incluíron a reparación de elementos deteriorados, lixado, aplicación de lasur protector e revisión e substitución de enganches, cadeas e outros compoñentes.
A falta de rematar algúns detalles nos chanzos da escaleira, os traballos nesta zona do parque infantil están practicamente finalizados.
Ademais, o Concello acometerá en breve o cambio das actuais bancadas de madeira do Auditorio de Briz, que se atopan en mal estado.
Estas serán substituídas por novas estruturas realizadas en madeira técnica, un material máis resistente e con maior durabilidade, que non require mantemento, o que suporá tamén unha mellora en términos de sustentabilidade e eficiencia.
O conxunto destas actuacións supón un investimento aproximado de 24.000 euros.