O Centro de Interpretación de Petróglifos de Mogor volverá abrir as súas portas para partir do 13 de xuño sempre que a situación de crise sanitaria pola pandemia do Covid-19 o permita. Aínda así, o Concello de Marín informa que haberá modificacións no funcionamento habitual deste lugar para cumprir coas normas da desescalada.
Estarán permitidas as visitas en grupo sempre que haxa reserva previa un máximo de dez participantes. Ademais desenvolverase exclusivamente no exterior do centro, nas rocas con mostras de arte rupestre.
As condicións sanitarias e de prevención de contagios que haberá que cumprir serán anunciadas a medida que se achegue a data de apertura en función do marco legal da desescalada e as indicacións das autoridades sanitarias.
A reserva poderá tramitarse a través do correo electrónico petroglifos.mogor@gmail.com ou entre martes e xoves no teléfono 647 368 939.