O goberno local aprobou este martes o borrardor da nova ordenanza de mercados que introduce unha serie de novidades como abrir a primeira planta da Praza de Abastos a outros usos alternativos, poder optar aos postos vacantes sen o tortuoso proceso administrativo actual e habilitar unha fórmula de dous anos de aluguer das bancadas en período de proba, antes da concesión do posto por 25 anos.
Outro dos aspectos máis demandados da ordenanza é que resolve a alegalidad do mercado de antigüidades que se celebra cada domingo na praza da Verdura.
Entre outras medidas o borrador contempla limitar a 40 o número de prazas nesta feira, prohibir produtos que non sexan antigüidades (máis de 40 anos) ou coleccións descatalogadas (máis de 25 anos) ou réplicas (deberá indicar expresamente que o son).
Ademais a Ordenanza considera unha autorización por persoa impedindo que as cooperativas acaparen postos, e unha regulación estrita de horarios e montaxe de expositores.
A concelleira de Promoción Económica, Carlota Román, tamén propuxo o traslado deste mercado da Verdura á praza da Pedreira ou Mugartegui, ao entender que é un recinto moito máis axeitado e resolvendo deste modo unha das constantes queixas dos veciños e empresarios da praza.
A aprobación desta Ordenanza corresponderá á próxima corporación.