Pesar na LX Festa do Marisco do Grove polo falecemento este venres dun dos seus máis estreitos colaboradores dos últimos anos, o empresario José Ángel Franco.
O empresario meco, de 52 anos e coñecido na vila como José 'Masa', "foi o noso proovedor ata este ano, que xa non puido participar por motivos de saúde", explicou o alcalde do Grove, José Cacabelos.
Franco, a través da súa empresa Damalim, "axudou a toda a nosa industria turística e hostaleira provendo de utensilios de cociña e servizo de mesa ás empresas", afirmou o rexedor.
Para Cacabelos de feito "a Festa do Marisco que estes días gozamos non se entendería sen os provedores e, concretamente, sen xente como José", defendeu o alcalde.