24 delitos. Son os que acumula xa no seu historial policial o mozo A.P.C, coñecido en ambientes policiais como 'O Ilustrísimo'. Ten tan só 18 anos.
O último rexistro no seu historial remóntase á tarde do 31 de xullo, cando foi detido pola Policía Nacional por supostamente roubar un teléfono móbil iPhone 4 da recepción dun hotel pontevedrés.
Segundo fontes policiais, o teléfono está valorado en 647 euros e o delito de furto implica A.P.C. e a un mozo de 26 anos que lle acompañou xa en otros dos seus delitos, pero que acumula menos antededentes ca el, entorno a unha decena.
O delito teríano cometido o 26 de xullo, pero non foron detidos ata cinco días despois. Tras prestar declaración e pasar a disposición xudicial, ambos os dous quedaron en liberdade con cargos.
O propietario do teléfono denunciou na Comisaría que se encontraba traballando nun hotel da rúa Palamios cando dous mozos se achegaron ao mostrador de recepción. Mentres un o entretiña, o outro substraeu o teléfono.