"Estudiamos en su momento la concesión del indulto pero como coincidió en el tiempo con la reforma del Código Penal que ha reducido las penas y las ha hecho alternativas con la pena de multa lo que se ha producido es una revisión de la condena aplicando el juez la pena más favorable".
Así explicou o ministro de Xustiza, Rafael Catalá, a resolución do caso de Ana María González e Tamara Vidal condenadas a tres anos de prisión por un altercado producido mentres formaban parte dun piquete durante a folga xeral de 2010.
Rafael Catalá asegurou "conocer perfectamente" o caso das pontevedresas Ana e Tamara e, neste sentido, lembrou que a entrada en vigor o pasado 1 de xullo do novo código penal cambiou as penas deste tipo delituoso que "ciertamente tenía un exceso de pena" destacou o ministro, "porque la infracción cometida no justificaba una pena privativa de libertad".
"Creo que en estos momentos se convierte en innecesario el indulto solicitado", valorou o ministro tras lembrar que a solicitude era dun indulto "parcial" xa que o que se pretendía evitar era a entrada en prisión.
Rafael Catalá indicou que este artigo modificouse "a petición" dos diferentes interlocutores sociais, entre eles os dous principais sindicatos que pedían "adecuar la pena a la realidad social".
O ministro de Xustiza fixo estas declaracións en Pontevedra tras participar nun acto de campaña electoral no que lembrou o seu vínculo coa cidade de Pontevedra, pois o seu primeiro destino laboral foi o Goberno Civil. "Fue un año extraordinario", dixo.
Desde entón e potenciado pola súa amizade coa tamén ministra Ana Pastor, acode con regularidade á cidade do Lérez, a pasar algúns días durante as vacacións de verán e Nadal.