O Buque Escola da Armada Juan Sebastián Elcano chegará o próximo 12 de xullo ao porto de Marín coicidiendo, un ano máis, coas festas do Carme.
Será máis concretamente durante a mañá do mércores no peirao de Torpedos da Escola Naval Militar, onde desembarcarán os 74 gardas mariñas pertencentes ás promocións 425 do Corpo Xeral da Armada e 155 de Infantería de Mariña, que navegaron durante meses cursando o seu terceiro ano de carreira. Os oficiais alumnos finalizarán así a súa formación a bordo e incorporaranse, de novo, co resto de compañeiros ao batallón de alumnos da ENM.
Neste cruceiro o barco realizou a súa décimo sexta volta a Sudamérica e paseou o nome do ilustre mariño que deu a primeira volta ao mundo por portos de diferentes países. Santa Cruz de Tenerife, Río de Janeiro, Buenos Aires, Punta Areas, O Callao, Cartaxena de Indias, Porto Limón, Pensacola e Nova York foron as escalas realizadas. Tras Nova York, cruzouse o Atlántico de retorno a España, atracando na Escola Naval Militar (Marín) onde os gardas mariñas dan por concluído o cruceiro de instrución. O Elcano renderá viaxe tras o seu tránsito desde Marín a Cádiz, onde se prevé chegar o 21 de xullo de 2023.
En Marín están previstas xornadas de portas abertas do buque, de maneira libre e gratuíta o xoves 13 de xullo e venres 14 de xullo en horario de 09:00 a 13:00 e de 16:00 a 19:00 horas.