Dentro da precampaña electoral na que xa está metido o Partido Popular, o previsible candidato á alcaldía de Pontevedra e actual portavoz muncipal Rafa Domínguez presentou este domingo a súa segunda medida dentro do seu programa "Pontevedra en Positivo", nesta ocasión enmarcada no Camiño Portugués.
Acompañado polo presidente provincial, Alfonso Rueda, a directora de Turismo de Galicia, Nava Castro, o presidente da Asociación de Amigos do Camiño Portugués, Tino Lores, membros da súa executiva e afiliados, Domínguez percorreu o tramo da ruta xacobea que atravesa polo municipio da capital.
"Debemos reivindicar el papel de Pontevedra como capital. Capital de la provincia, capital turística de las Rías Baixas y capital del Camino Portugués", sinalou o edil que se mostrou convencido de que a cidade necesita "maior presenza" e desenvolver o seu potencial.
Domínguez considera que o camiño "es una oportunidad que en Pontevedra no se está aprovechando como se debería. Una oportunidad turística, y al mismo tiempo, una oportunidad económica".
Para iso o presidente local dos populares considera primordial "tomar las medidas necesarias" para aumentar o número de pernoitas e o gasto dos peregrinos na cidade.