O grupo municipal do PSOE en Marín acusa ao Concello de ordenar a apertura dos parques infantís incumprindo coas indicacións de aforo máximo, sen informar os usuarios cal é ese aforo e sen instalar dispensadores de xel hidroalcóhólico.
"Mentres noutros concellos prima a prudencia e a responsabilidade antes da apertura dos seus parques infantís, en Marín optouse por querer figurar como os primeiros de Galicia aínda que para iso houbese que incumprir as normas de seguridade e saltarse a lei", denuncia o portavoz socialista, Manuel Pazos.
Por iso esixen ao goberno local que cumpran con todas as medidas de seguridade que marca a Xunta e informen do aforo máximo destas instalacións, ademais de instalar dispnsadores de xel en cada parque e desinfectar todos os elementos ao finalizar cada xornada.