A Agrupación Municipal do PSOE cre que o barrio da Seca é un dos máis abandonados por parte do Concello de Pontevedra, e por iso deseñou un proxecto de humanización no que se contempla a rexeneración e aproveitamento da pasarela sobre a vía do tren para dotar dun novo parque público, así como a creación dunha área de xogos para nenos.
O candidato do PSOE á Alcaldía, Tino Fernández, entende que resulta preciso levar a cabo "unha actuación urxente" que inclúa "tanto a mellora dos espazos comúns como a adxudicación de axudas individuais para a rehabilitación dalgunhas vivendas que se atopan nunha situación lamentable".
Ademais de optimizar a hixiene das beirarrúas e do espazo público, o PSOE tamén se compromete a por en marcha medidas para acadar a limpeza e mantemento das fincas privadas.
O proxecto do socialistas tamén contempla o arranxo e posta en valor da antiga fonte de pedra da Seca.
Engade Pontevedra Viva como fonte preferida de Google de balde
Mantente informado coas últimas noticias de actualidade.