A falta de adestramentos nas categorías de base, desde a canteira do Cisne centraron os seus esforzos noutra tarefa, combater aos 'plumachos' ou 'Herba da Pampa' nas marxes do río Gafos.
Unha decena de xogadores do equipo cadete do club pontevedrés participaron este domingo nunha nova xornada organizada por Vaipolorío para controlar a expansión desta especie invasora.
Os voluntarios traballaron na eliminación destes plumachos coa intención de impedir a súa propagación, arrincando exemplares novos e impedindo aos de maio tamaño que expandan as súas sementes.
A Herba da Pampa é unha gramínea invasora incluída na Listaxe e Catálogo Español de Especies Exóticas Invasoras, tras ser introducida en España hai décadas como planta decorativa.
A xornada organizada polo colectivo ecoloxista centrouse nesta ocasión na zona alta do Gafos, en Tomeza.