Este luns no Porto de Riveira foron entregadas polo Presidente da Xunta de Galicia e o Presidente da Asociación de Educación Ambiental e do Consumidor (ADEAC) as Bandeiras Azuis que outorgan ós arenais que consiguen ese distintivo pola súa accesibilidade, calidade da auga, servizos, seguridade a través dos socorristas, balizamento e limpeza.
PONTE CALDELAS
O alcalde en funcións de Ponte Caldelas, Perfecto Rodríguez, recolleu a primeira bandeira azul outorgada en España a unha praia fluvial pola excelencia e calidade das súas augas. O rexedor agradeceu a distinción e brindouna a todos os cidadáns do municipio como recoñecemento a un labor harmónico en defensa do medido ambiente realizado ao longo de moitos anos.
"Representa un fito histórico que nos enche de orgullo a todos os veciños, pero tamén é unha mostra do compromiso que tivemos ao longo dos anos para manter, de xeito harmónico, unha relación indeleble entre o río Verdugo e os habitantes de Ponte Caldelas, que espero siga en vigor ao longo dos anos".
MARÍN
A alcaldesa de Marín en funcións, María Ramallo, acudiu a recoller os galardóns das praias de Portocelo, Mogor, Aguete e o da Praia do Santo. Estes días os arenais estanse acondicionando para poder contar co balizamento, as casetas destinadas ós socorristas, os baños, a limpieza, as papeleiras, o estirado da area e os quioscos que xa están algúns en funcionamento.
"Unha aposta clara polo coidado do entorno natural, así como a limpeza e desbroce do vial que invita a pasear e camiñar nun entorno natural privilexiado", sinalou a alcaldesa.
SANXENXO
No concello de Sanxenxo, a excelencia das augas de Areas, Silgar, Baltar, Canelas, Montalvo, Bascuas, Pragueira, Major, Foxos, Areas Gordas, A Lapa e tamén de Espiñeira-A Lanzada, ademais dos servizos que ofrecen en canto a legalidade, accesibilidade, sanidade, limpeza, seguridade e información e xestión ambiental axeitadas, fixéronas merecedoras un ano máis do ecodistintivo concedido pola ADEAC.
O tenente de alcalde en funcións, Salvador Durán, e o concelleiro de Medio Ambiente, José Luis Rodríguez, participaron este luns no acto de entrega dos galardóns. Ademais das distincións conseguidas para os areais, que converten un ano máis a Sanxenxo no municipio con máis Bandeiras Azuis de España, os representantes locais recolleron tamén aquelas outorgadas ao Porto Deportivo Juan Carlos I e ao Centro de Interpretación As Telleiras, en Vilalonga.
Á súa vez, o paseo litoral de 9,9 quilómetros que discorre entre Caneliñas (Portonovo) e o Porto Deportivo de Sanxenxo recibiu por primeira vez na historia a denominación internacional 'Sendeiro Azul'.
"Isto é un exemplo indiscutible da aposta que este Goberno fixo ao longo destes anos pola calidade do destino turístico", resaltaron os edís, que incidiron no esforzo en medios materiais e persoais que facemos cada ano para que Sanxenxo lidere en España dende hai máis dunha década ou ranking en Bandeiras Azuis.
E é que para cumprir coas esixencias derivadas deste galardón, o Concello de Sanxenxo reforza o equipo municipal durante os meses de verán para os servizos de limpeza e vixilancia de praias, ademais de contratar outras prestacións como o balizamento das augas, os equipamentos das praias; o aluguer, mantemento e limpeza dos sanitarios, ou a realización do proxecto de bandeiras azuis e o seguimento da tempada.