A gran festa de Fin do cole celebrouse ao longo da tarde deste venres 20 de xuño durante catro horas en distintas prazas e espazos da zona monumental como a rúa Padre Luis, a Praza de Curros Enríquez ou a rúa Sierra.
Numerosos nenos puideron xogar cos inchables e participaron en distintos talleres de ocio, ademais de gozar da actuación dun mago na Praza de Méndez Núñez. E para finalizar a festa, os nenos divertíronse coa tradicional festa da escuma na Praza da Pedreira, acompañada con música dun DJ.
Esta actividade englóbase dentro dos actos conmemorativos do 25 aniversario do nacemento do Centro Comercial Urbano Zona Monumental.