Os socialistas presentasen mocións en todos os concellos de Pontevedra para reclamar á Xunta que asuma os Centros de Información á Muller (CIM) "por ser a súa competencia".
Na rolda de prensa, o secretario provincial do PSOE, Santos Héctor, compareceu acompañado das concelleiras de Pontevedra, Cambados, Poio, Ponte Caldelas, Forcarei, A Illa de Arousa, Salceda de Caselas e Vilaboa.
Na provincia hai 25 centros CIM, 14 deles son mancomunados. O 80% dos fondos proceden da Unión Europea mentres que a Xunta só financia o 20%.
Entre outros aspectos, segundo explicou María Ferreirós, concelleira en Valga, o Partido Socialista esixe que a Xunta "configure unha rede autonómica, integral, que sexa sostible, equilibrada e permanente" ao entender que todas as mulleres "independentemente de onde vivan" teñan acceso aos mesmos servizos "e non correr riscos polas dificultades dúas propios concellos".
María Ferreirós incidiu na importancia da sustentabilidade dos CIM sendo "necesario" que a Xunta achegue máis recursos económicos para manter ao persoal e os servizos que se ofrecen nestes centros. Neste sentido, a socialista alertou que o financiamento da Unión Europea termina no ano 2020 polo que "esiximos que se tomen medidas xa" para garantir a continuidade destes CIM.
"Se a Xunta crera na igualdade apostaría por esto, pero non o fai porque no fondo non cren na igualdade das persoas con diferente sexo", afirmou Marta Ferreirós.
Finalmente lembraron que a Xunta de Galicia reduciu nun 16,48% o investimento nesta área de protección e promoción da muller, ao destinar 6,9 millóns de euros en 2017 fronte aos 8,3 millóns que investiu o goberno presidido polo socialista Emilio Pérez Touriño en 2010.