Chegamos a unha nova entrega de "A cociña gourmet en conserva", coa calidade de sempre das Conservas Pescamar e un prato imprescindible na cociña estival: a paella. Nesta ocasión, imos aproveitar a textura e sabor da salsa que contén a lata de luras en tinta Pescamar para crear un delicioso arroz negro.
A paella de arroz negro é unha receita típica da cociña mediterránea española, especialmente das costas de Valencia e Cataluña. Tamén hai referencias culinarias en Italia, onde é coñecido o Riso nero a la Fiorentina.
Para preparar unha saborosa Paella de arroz negro con luras en tinta Pescamar, necesitamos os seguintes ingredientes:
- 2 latas de luras en tinta Pescamar (reservamos a salsa)
- 1 bolsiña de tinta de lura
- 400 gramos de arroz
- 300 gramos gambas
- 100 gramos de ameixas
- 2 tomates maduros grandes
- 1 pemento verde
- 1 cebola
- 2 dentes de allo
- Perexil
- Litro e medio de caldo de peixe
- Aceite de oliva virxe extra
- Pementa moída
- Sal
Elaboración:
Poñemos un chorro de aceite de oliva na paelleira e sofritimos a lume medio o perexil, os allos, a cebola, o tomate e o pemento, que previamente teremos picado. Cando estean pochados, botamos un pouco de sal e pementa.
Engadimos as ameixas (que previamente as teríamos en auga para que solten as areas) e as gambas peladas. Deixámolas facer un par de minutos.
A continuación, vertemos a salsa das dúas latas de luras en tinta Pescamar e a bolsiña de tinta de lura. Incorporamos o arroz e sofritimos un minuto.
Cubrimos o arroz co caldo de peixe e deixamos cocer a lume forte durante 10 minutos. A continuación, incorporamos o contido das dúas latas de luras en tinta Pescamar e rematamos de cocer a lume baixo durante 8 minutos.
Cando estea listo o arroz, retiramos do lume e deixámolo repousando 5 minutos cuberto por un pano.
Unha peculiaridade dalgunhas zonas do Levante é servir este prato acompañado de salsa alioli, para que o comensal deguste o contraste de sabores e texturas.
En dúas semanas volveremos cunha nova proposta culinaria da man de Conservas Pescamar, dentro da serie "A cociña gourmet en conserva".
Engade Pontevedra Viva como fonte preferida de Google de balde
Mantente informado coas últimas noticias de actualidade.