Pan de garavanzo con sardiñas en aceite de oliva Pescamar

Nesta nova entrega de "A cociña gourmet en conserva" imos elaborar unha receita sinxela, nutritiva e deliciosa que combina o sabor intenso das sardiñas en aceite de oliva de Conservas Pescamar co toque suave do pan de garavanzo caseiro.

A sardiña é un peixe azul cun alto contido en graxas saudables, fonte de omega-3 e rica en proteínas de gran valor biolóxico.

Para preparar esta receita de Pan de garavanzo con sardiñas en aceite de oliva Pescamar necesitamos os seguintes ingredientes:

Para o pan de garavanzo (4 pans medianos):

• 1 cunca de fariña de garavanzo
• ½ cunca de auga
• 1 cucllerada de aceite de oliva
• ½ culleradiña de sal
• ½ culleradiña de po de enfornar

Para a cobertura:

• 1 lata de sardiñas en aceite de oliva Pescamar
• 100 g de queixo crema
• Un chorriño do aceite da lata de sardiñas
• Rodas de limón
• Perexil fresco

Preparación do pan de garavanzo:

Nun bol, mestura a fariña de garavanzo co sal e o po de enfornar.

Engade aos poucos a auga ata obter unha masa espesa, similar á dunhas tortiñas; incorpora unha cullerada de aceite de oliva e mestura ben.

Divide a masa en 4 porcións e forma discos planos de 1 cm de grosor aproximadamente. Coloca os discos de masa sobre papel de enfornar nunha bandexa.

Introduce no forno, prequentado a 180 °C e cociña durante 18-20 minutos, dándolles a volta á metade de cocción para que se douren por ambos lados.

Preparación da crema untable:

Mestura o queixo crema cun chorriño do aceite das sardiñas, batendo ata que quede suave e aromatizado.

Montaxe das tostas:

Unta cada boliño de garavanzo coa crema.

Coloca enriba as sardiñas en aceite de oliva Pescamar escorridas.

Engade unhas follas de perexil fresco e un toque de limón ao gusto.

En dúas semanas, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.