O Concello de Caldas de Reis presenta unha importante novidade no seu tradicional 'ChocoNadal':
Papá Noel visitará todas as parroquias do municipio entre o 14 e o 21 de decembro, segundo anunciou hoxe o Tenente de Alcalde e responsable de Festas, Manuel Fariña.
A primeira parada do entrañable personaxe será este sábado 14 na parroquia de Saiar, ás 20:00 horas, coincidindo co inicio do 'ChocoNadal'.
Alí instalará o seu trono para recibir á cativada, escoitar as súas peticións, repartir lambetadas e facer fotos cos asistentes, mentres todos desfrutan do chocolate quente e roscón que se servirá de balde.
Calendario de visitas
A axenda de Papá Noel polas parroquias caldenses será a seguinte, sempre ás 19:00 horas:
- 15 de decembro: San Clemente
- 16 de decembro: Bemil
- 17 de decembro: Tivo
- 18 de decembro: San Andrés
- 19 de decembro: Godo
- 20 de decembro: Carracedo
- 21 de decembro: Arcos
Como colofón, Papá Noel estará presente na Praza José Sesto Casal os días previos á Noiteboa:
- 23 de decembro: desde as 16:30 horas
- 24 de decembro: desde as 11:30 horas
O Tenente de Alcalde Manuel Fariña destacou que esta iniciativa busca facilitar que toda a rapazada do municipio poida coñecer a Papá Noel, e convida á veciñanza a participar nestas xuntanzas que, nas súas palabras, "permitirán gozar dun tempo de convivencia festivo entre diferentes xeracións dos membros da familia e amizades".