Unha persoa resultou ferida na tarde deste xoves tras producirse un accidente na cociña da Cafetaría Silgar, no municipio de Sanxenxo.
O incidente tivo lugar ao redor das 19:30 horas, segundo a información facilitada polo Concello.
O afectado sufriu queimaduras nos brazos, a cara, a cabeza e as mans, polo que foi atendido inicialmente no propio establecemento polos servizos de emerxencia desprazados até o lugar.
Unha vez recibiu a primeira asistencia sanitaria, o ferido foi evacuado a un centro médico para someterse a unha valoración máis exhaustiva e continuar co tratamento das lesións.
O operativo mobilizado para facer fronte á incidencia estivo integrado por efectivos do servizo de Emerxencias, axentes da Policía Local e unha ambulancia, que se encargaron tanto da atención ao lesionado como da coordinación da intervención.
Polo momento non transcenderon máis detalles sobre as circunstancias nas que se produciu o accidente nas instalacións deste establecemento hostaleiro.
Engade Pontevedra Viva como fonte preferida de Google de balde
Mantente informado coas últimas noticias de actualidade.