Vinte persoas procedentes de Brasil, Gambia, Ghana, Guinea, Marrocos e Ucraína formaranse a partir deste luns 9 de xuño nun curso de español pensado para estar preparados para o instituto Cervantes.
Trátase dun curso gratuíto organizado pola Deputación de Pontevedra en colaboración coa Universidade de Vigo.
Está pensado para preparar os inmigrantes para que poidan superar as probas orais, escritas e de comprensión do exame DELE A2 do Instituto Cervantes.
Este exame é indispensable para que poidan solicitar a nacionalidade española e así axudalas na súa integración na provincia como cidadanía de pleno dereito.
A acción formativa impartirase no edificio administrativo da Deputación ata o 24 de xuño.
As persoas que van participar saben ler e escribir, atópanse en situación regular en España, son maiores de 16 anos, teñen coñecementos básicos da lingua española e están empadroadas en Vigo, Cangas do Morrazo, Mos e O Porriño.