O papa Francisco expresou este venres o seu pésame e solidariedade tras o naufraxio do "Villa de Pitanxo" en Canadá. Fíxoo a través dun telegrama enviado ao arcebispo de Santiago de Compostela, Julian Barrio.
Na misiva, enviado en nome do papa polo secretario de Estado, o cardeal Pietro Parolin, na que cualifica o sucedido como "triste noticia", o pontífice expresa as súas "sentidas condolencias" nestes "momentos de aflición".
Na mensaxe afírmase que o pontífice "eleva a Deus as súas pregarias polo eterno descanso das vítimas e manifesta a súa proximidade ás familias que choran aos seus seres queridos".
Ademais, "encomenda á misericordia do Señor e ao maternal coidado da nai de Deus ás persoas afectadas por este contratempo".