Os piratas máis novos invaden a Praza da Ferrería para celebrar unha gran festa

O Martes de Entroido, como marca a tradición, Pontevedra enche de piratas.

Desde primeiras horas do día, moitos foron os que quixeron pasear pola cidade mostrando os seus mellores traxes piratas.

Camisetas raxadas, panos na cabeza, espadas na man e o habitual gorro con caveiras foron, como todos os anos, as vestimentas máis repetidas.

Pero, sen dúbida, se alguén o pasou en grande eses foron os máis pequenos da casa.

A eles estivo dedicada a gran festa infantil que acolleu a Praza da Ferrería.

E o certo é que non faltou detalle para que a festa fora todo un éxito.

Ademais dos pasacalles que, en horario matinal e vespertino, protagonizaron as comparsas Corsarios do Lérez e Os Piratas Gaiteiros, houbo moita animación.

Correu a cargo, entre outras propostas, de Os Bolechas e da Muller Orquestra, que animaron aos asistentes durante toda a tarde.

Foi nun día no que a choiva respectou finalmente a programación prevista para este martes, que incluía tamén o habitual desembarco pirata e, como novidade, un baile amenizado polo popular King África.